موقع الفنان التشكيلى علاء الخضري
اهلا وسهلا بك عزيزى الزائر فى عالم الفن والابداع
موقع الفنان التشكيلى علاء الخضرى يرحب بك
يسعدنا تسجيلك معنا فى المنتدى لكى تتمتع بكل ما هو جديد فى عالم الفن والابداع

تعلم كيف تجمع جهازك بنفسك

استعرض الموضوع السابق استعرض الموضوع التالي اذهب الى الأسفل

تعلم كيف تجمع جهازك بنفسك

مُساهمة  احمد العبقري في الأربعاء أغسطس 05, 2009 12:40 pm



اهلا بشباب فريق الابداع والتميز

اليوم هنتكلم عن كيفيه صنع جهاز كمبيوتر

اولا اجهزه الكمبيوتر نوعان



النوع الاول :ارونيجنال

وده بيقي كله من شركه واحده ذي كمبيوترات (del),(Apple)

الخ.......... ودي كل مكوناتها بتبقي من نفس الشركه يعني الهارد دل

والبروسسور وحتي الماوس والكيبورد والسماعات والشاشه كل شئ

ورغم القوة الفائقه هذة الاجهزة الا انها لا تلقي رواج كبير في وطننا

العربي لانها صعبه الحصول عليها وكما انها غاليه الثمن يعني عندنا في مصر

ممكن يوصل الجهاز 5000 جنيه



النوع الثاني:اجهزة التجميع يعني اه يعني تنزل حضرتك المول

تقوله عايز بورده من شركه (foxconn)وهارد من شركه اخري

و رامات من شركه ثالثه وهكذا رغم ضعف هذة الاجهزة ومشاكها التي

لا تعد ولا تحصي الا انها تلاقي رواجا كبيرا في الوطن العربي

وذلك لانها متوفرة بكثرة في الوطن العربي كما انها رخيصه الثمن

يعني الجهاز اللي فوق ممكن تعمل واحد نفس امكانياته بحوالي 2000

جنيه فقط يعني فرق 3000 جنيه

طبعا الدروس الجايه هتبقي علي النوع الثاني

يلا بينا نعرف جميع مكونات الكمبيوتر



اولا :الكيسه او (cpu)



الكيسه بتبقي معاها البور سبلي اللي هو بياخذ الكهرباء

ويقلل الفولت بتاعها ويدخها للكمبيوتر وتختلف اسعار

الكيسه علي حسب شكلها وطرق التهويه وعدد المواوح التي

تبرد الجهاز



ثانيا :البورده او (matherboard)




لوحه التحكم الام خلي بالك في عائله جديده من لوحات التحكم

الام بتتحكم فيها تقنيه جديده اسمها (lga)

وهي ذات كفاءه اعلي من لوحات التحكم الماضيه طيب كيف افرقها

عن اللوحات العاديه ببساطه شديده اللوحات العاديه البنات (السنون )

اللي بتوصل البروسسور بالبورده في البورد العاديه هتلاقيها في البروسسور

اما في البورد (lga)نلاقي هذة السنون في البورده والبروسسور املس




ثالثا :البروسسور(processor)



وكما ذكرن البروسسور العادي لايركب علي بورده (lga)

والعكس لايصلح ايضا طيب البروسسور هوالمعالج وعلي عكس الكثير

كفاءة البروسسور بتقاس عن طريق ال(cach)يعني اه يعيني انا عندي بروسسرو

3.2 طيب المهم اللي هيفرق في الكفاءة هو الكاش يعني لو كان الكاش

512 يبقي بروسسور تعبان لكن تخيل لو الكاش 2 ميجا يبقي ماشاء الله



رابعا:
الرامات (ram)



او الذاكرة المؤقته

ودي بردك من اهم الاشياء التي تجعل الجهاز يعمل بكفاءه

يعني كلما زادت الرامات زادت كفاءة الجهاز



خامسا: الفلوبي دسك(flopy disk)



اعتقد ان ما في حد بيركبه اليوم

رغم انه كان شئ اساسي لما كنا بنشتغل علي انظمة الدوس

ربنا ما يعيد هذةالايام بس الاسطوانات المضغوطه جعلته في طي النسيان

وخصوصا عندما جاء الاكس بي وان الاكس بي لا يحتاج الي ديسك

استارت اب



سادسا :الهارد ديسك(hardisk)



وهو الذاكرة اللي هتحط عليها البيانات

ومعلوما ان هناك نوعين من الهاردات علي حسب الواسطه

اللي بيتوصل بيها بالمذر بورد النوع الاول بيعتمد علي كبل (sata)

والنوع الثاني بيعتمد علي كابل (data)

وطبعا النوع الاول هو الاقوي والاسرع كما انه بيتعامل

جيدا مع ضغط الملفات بطريقه ntfs



سابعا:السي دي (cd)



وهو نوعان

النوع الاول re)وهو نوع بيقرا السديهات فقط

النوع الثاني re.rw)وده نوع بيقرا السديهات وبينسخها كمان

(re)اختصارا لكلمه read يعني قراءه

(rw)اختصار لكلمه write يعيني كتابه



ثامنا: الدفي دي (dvd)



وهو نوعان النوع الاول

ايضا (re)بس هنا هو بيقرا الاسطوانات الدفي دي والاسطوانات العاديه كمان

والنوع الثاني(rw)وهو بينسخ الاسطوانات الدفي دي والسطوانات العاديه



تاسعا :كرت الصوت او (sound)

قبل ما اتكلم عن الكروت عايز اقول شئ

انت الكروت اللي هي (الصوت .الفديو.النتورك)

نوعين النوع الاول وهو (piltin)

يعني اه يعني الكرت بيبقي مد مج مع البورده بيبقي جاي معاها من الاخر ومش

محتاج تشتريه ذي الصوره دي



النوع الثاني (piltout)يعني كرت صوت خارجي

بنشتريه وبنركبه مع البورده مثل هذا الكرت





عاشرا :الماوس والكيبورد(mouse,keybord)



وهي من اهم اجهزة الادخال في الحاسب الالي

وظهر موخرأ موس يعمل باليزر عوضا عن الماوس

التقليدي الذي يعمل بكره حديد

وايضا في مجال الكيبوردات ظهرت كيبورد

مرنه جدا وهي مضاده للماء



الاحد عشر:الشاشه (screen اوmonitor)



وهي من اهم ادوات الاخراج للحاسب الالي

وظهرت مؤخرا شاشات lcd وبلازما

ذا صورة مبهرة جداجدا



الثاني عشر:كرت الشاشه او الفديو(vga)



وكما ذكرنا هو نوعان مدمج مع البورده

و الافضل والاقوي والاكثر كفاءه هو الكرت الخارجي (piltout)

خلي بالك نتيجه ضعف كرت الشاشه الداخلي لاتعمل بعض الالعاب

ذات الجرافيك العالي فيقوم صاحب الجهاز بشراء كرت خارجي



الثالث عشر:الطابعه او(printer)



وهي احد وسائل الاخراج الموجوده في الكمبيوتر

وهي نوعان النوع الاول وهو القديم وهو يطبع صو ر بيضاء او كتابه فقط

اما الطابعات الليزر الجديده فهي تطبع باللوان وبسرعات خياليه



الرابع عشر:المروحه (fan)



المرواح من اهم مكونات الكمبيوتر وذلك لانها تقوم بمسؤليه

التهويه والتبريد في الكمبيروتر واهم هذة المراوح هي المروحه

التي تكون فوق البروسسور لانها هي امسوله عن تبريد البروسسور

قلب الجهاز وهي نوعان

النوع الاولterial)

ودي بتشتريها من من اي منطقه وهي ضعيه ومن السهل جدا ان تخرب

النوع الثاني box)

وهذا النوع بيكون من الشركه المصممه للبروسسور لذلك هي اشد قوة

ونادرا ما تخرب

محظه مهمه جدا من الممكن انك تشغل الجهاز من غير فانه عادي

بس ده هيقصف عمر البروسسور وهناك تقنيه جديده بتبقي في برامج

البورده بتجعل الجهاز يفصل يقف عن العمل حين تزيد درجه حرارة البروسسور



الخامس عشر : الماسح الضوئي(scanner)



وهو يستخدم في ادخال الصور الي الكمبيوتر

ومن ثم تعديل عليها ويستخدمه البنوك والمصارف في تسجيل صور عملائها

غير استخدامه طبعا في محل التصوير



اخر شئ عايز اتكلم فيه هو كارت الفاكس وكارت النتورك

كثير منا ميعرفش يفرق بينهما

اولا :كارت الفاكس هو كرت بتوصله مباشرة بخط التليفون المنزلي

وتطلب رقم معين عن طريق المتصفح فيجيلك الانترنت عن طريق هذا

الرقم

ثانيا:كارت النتورك

او كرت (lan)هو كرت بيتم عمل شبكه عن طريقه بين عده

اجهزة والنت بيتحمل عن طريق هذة الشبكه فبالتالي يوصل النت الي

كل الاجهزة الموجوده عن الشبكه وكرت النتورك بياخذ النت عن طريق

الروتر ليس عن طريق خط التيليفون مباشرة




وفي النهايه انتظروا شرح حصري فقط لمنتديات الابداع والتميز

تجميع الجهاز من طق طق الي السلام عليكم (فديووو)


avatar
احمد العبقري
--::مؤسس الموقع::--
--::مؤسس الموقع::--

عدد المساهمات : 87
نقاط : 255
تاريخ التسجيل : 28/06/2009
العمر : 22

معاينة صفحة البيانات الشخصي للعضو http://artalaa.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى